स्पेस नीडल, शिहूली गार्डन, इंटरनॅशनल फाउंटन
मी आज सिऍटल मधल्या 'स्पेस नीडल' .. विषयी लिहिणार आहे. स्पेस नीडल हे पर्यटकांचं खास आकर्षण. आणि ही 'स्पेस नीडल' माझ्यासाठी खास आहे कारण तिथून आमचं घर हे अगदी पाच मिनिटांवर आहे. आमच्या बिल्डिंग च्या गच्चीतून स्पेस नीडल अगदी समोर दिसते.
थोडक्यात सांगायचं तर उंच, लांबसडक आणि ऐटदार अशी स्पेस नीडल माझी लाडकी आहे.
थोडक्यात सांगायचं तर उंच, लांबसडक आणि ऐटदार अशी स्पेस नीडल माझी लाडकी आहे.
तर ही स्पेस नीडल नेमकी काय आहे?
अगदी सोप्या भाषेत सांगू तर..ही स्पेस नीडल वेगळ्या आकारात बांधली आहे. याचं आर्किटेक्चर पाहण्यासारखं आहे. त्याची उंची १५८ फिट इतकी आहे. खाली तिकीट काढून पर्यटक स्पेस नीडल मधल्या लिफ्ट ने वर जातात जिथे ऑबझर्व्हेटरी डेस्क आहे.. जिथून आपल्याला सिऍटल ची संपूर्ण स्काय लाईन दिसते.
मूळात हा observatory tower आहे.
संपूर्ण आजूबाजूला फक्त काच आहे.. त्यामुळे त्या काचेवर आडवं पडून फोटो काढायला सुद्धा खूप मजा येते.
स्पेस नीडल च्या आजूबाजूचा परिसर सुद्धा भन्नाट आवडतो मला.. अहो का नाही आवडणार... ?
कितीतरी विस्तारलेला छान हिरवळ असलेला परिसर... मोठं कारंज, मोनोरेल, एक खाऊचा मॉल..आजूबाजूला झाडं ..
आणि आता ख्रिसमस मध्ये तर झाडांवर आणि झाडांभोवती इतके सुंदर लाईट्स लावतात.. कि अगदीच इंग्रजी चित्रपटातल्या ख्रिसमस च्या शूटिंग ला आलोय असा मला भास अनेकवेळा झाला आहे.
१७ एप्रिल ,१९६१ साली स्पेस नीडलच बांधकाम सुरु झालं आणि ८ डिसेंबर १९६१ला December 8, 1961 पूर्ण झालं. याच
ओपनिंग २१ एप्रिल,१९६२ साली झालं.
स्पेस नीडल मध्ये जाताना याचं बांधकाम कसं झालं? आणि त्याचे मॉडेल्स त्यांनी ठेवले आहेत.. त्यामुळे लिफ्ट च्या लाईनमध्ये उभे असताना या गोष्टी पाहत पाहत पर्यटक पुढे जात असतो.
शिहूली गार्डन आणि ग्लास म्युझियम
'स्पेस नीडल' च्या आवारात असणारं 'शिहूली गार्डन आणि ग्लास म्युझियम' हे आवर्जून पाहण्यासारखं ठिकाण आहे.
आता थोडं शिहूली गार्डन विषयी लिहिणार आहे... आणि सोबत तिथले फोटो सुद्धा जोडत आहे.
आपण सगळ्यांनी काच पहिली आहे, ग्लास पेंटिंग पाहिलं आहे. मोठ्या मोठ्या ऑफिसेस मध्ये काचा हेच पार्टीशन असतं , त्याचं भिंती असतात किंवा अजून बऱ्याच प्रकारे आपण काच पाहिली असेल.. मी पण पा हिली आहे..
पण माझ्यासाठी काच ही संकल्पना म्हणजे ग्लास पेंटिंग पुरती मर्यादित होती.. पण जेव्हा आम्ही शिहूली गार्डन पाहायला गेलो तेव्हा काचेकडे पाहण्याचे सगळेच दृष्टिकोन बदलले. कारण शिहूली या अत्यंत प्रतिभावान कलाकाराने काचेच्या अनोख्या विश्वा च दर्शन घडवलं..
केवढी ती वेगवगेळी रूपं ...प्रत्येक इंस्टॉलेशन पाहून डोळे दिपून जात होते.. आणि मन थक्क होतं.
काचेला वेगवेगळे रंग देऊन, वितळवून त्याला कल्पनेतल्या थीम प्रमाणे त्यांनी उभं केलं आहे.. निरनिराळे लहान मोठे आकार, त्यातले बारकावे.. खरंच पाहण्यासारखे.
शिहूली यांनी पूर्वीच्या इंडियन्स ( अमेरिकन) लोकांनी वापरलेली भांडी कशी असतील याचा विचार करून त्या आकारला समोर ठेवून काही काचेच्या गोष्टी बनवल्या..
तर एकीकडे निळ्याशार रंगाचं समुद्राच्या आतमध्ये असणारं चित्र हुबेहूब आपल्यासमोर उभं केलं आहे..
हे सगळं पाहताना पुढे दिसतं.. ते आपल्या डोक्यावर असणाऱ्या काचा... म्हणजेच आपण पाण्याखाली आहोत.. आणि पाण्यातल्या बाकी गोष्टी आपल्याला वर दिसत आहेत याचा भास तेव्हा होतो... कितीतरी वेगवेगळे असे त्या इंस्टॉलेशन्स चे प्रकार तिथे पाहायला मिळतात.
अशीच अजून एक समुद्रातली कलाकृती तर अतिप्रचंड मोठी...
कसं काय केलं त्यांनी इतकं.. असे सगळे विचार मनात घेऊन मी पण पुढे पुढे चालत होते.
पुढे गेल्यावर पाहिलं अजून एक नवा प्रकार पाहायला मिळाला... त्या इन्स्टॉलेशनकडे पाहिल्यावर वाटत होतं की, काचांची उलटी झुंबर लटकवली आहेत.
एका ठिकाणी रंगांच्या वेगवगेळ्या छटा आपल्याला या काचांमध्ये पाहायला मिळतात..
फुलांची काचेची वेल हे शिहूली याचं ड्रीम प्रोजेक्ट...
आता थोडसं..इंटनॅशनल फाऊंटन बद्दल..
हे कारंज बऱ्यापैकी मोठं आहे. याचा एक अनुभव सांगते..
परवा मी या इंटरनॅशनल फाउंटन च्या दिशेने जात होते. तेव्हा मनात आलं .. जरा थांबूया. हातात बरंच सामान होतं. बसले.. आणि थोड्याच वेळात मोठ्या आवाजात गाणं सुरु झालं.. आणि हे कारंज चक्क नाचू लागलं ...
त्या कारंजातल्या पाण्याने गाण्यातला सूर आणि ताल अगदी नीट धरला होता.. आणि अगदी स्वतःच्या दिमाखदार पद्धतीने पाण्याचे स्ट्रोक
शब्दांप्रमाणे वर खाली उडत होते. जोरात पाणी एकदम वर उडताना पाहून खूप मजा वाटते.
यात या तीनही ठिकाणांचे व्हिडीओ तुम्हाला पाहता येतील.
