इन्स्टंट ढोकळा आणि मूगभजी - 'शरा फुड्स'

नमस्कार वाचक मंडळी,

आपण मागच्या महिन्यात 'शरा फुड्स' यांच्या विषयी जाणून घेतलं होतं. आणि त्याला निमित्त होतं ते दिवाळी नंतर पुन्हा एकदा झटपट लाडू आपण कसे करू शकतो यासाठीचं. पण मला सांगा, आपण मागच्या ब्लॉग मध्ये जसं बोललो की, घरी कोणी कधी पटकन आलं किंवा आपल्याला भूक लागली तर घरी केलेले हे लाडू बाहेरच्या पिझ्झा- बर्गर पेक्षा कधीही चांगले. 

पण तुम्हाला गंमत माहितेय का? 

हा ब्लॉग वाचकांपर्यंत पोहोचल्यावर त्यांना हा ब्लॉग आवडला, शरा फुड्स चा ब्रँड सुद्धा आवडला. अनेकांनी लाडू करून सुद्धा पाहिले. मेल ला अनेक वाचकांचा चांगला रिप्लाय  सुद्धा आला. सगळचं लाडवासारखं गोड गोड होतं. 

पण मग काही वाचकांनी जेव्हा मला बोलता बोलता सांगितलं की, 'अगं, लाडू वगैरे सगळं ठीक आहे गं. पण आमच्या  घरी कोणालाच गोड आवडत नाही. माझा मुलगा तर लाडवाकडे पाहात सुद्धा नाही. त्याला सगळचं तिखट आणि स्पायसी वगैरे आवडतं.' 

अशाप्रकारे एक दोन वाचकांनी त्यांची खंत वजा तक्रार माझ्याकडे केली.

खरतरं त्यांच्यासाठी ती तक्रार आणि खंत होती पण माझ्यासाठी मात्र तो एक उत्तम अभिप्राय ठरला. हा अभिप्राय सगळ्यात अधिक लक्षात राहिला. कारण  गोड आवडत नाही हे समीकरण अनेक घरी असूच शकतं ही गोष्ट मला मनोमनी पटली. आणि म्हणूनच 'शरा फुड्स' च्या डायरेक्टर शलाका राऊत यांच्याकडे हा अभिप्राय मी बोलून दाखवला. आणि म्हणतात ना, 'जे होतं ते खरचं चांगल्यासाठी'. माझ्या वाचकांनी त्यांचं खरं मत व्यक्त केल्यामुळे मला अजून त्यांच्यासाठी माहितीपूर्ण असं  काहीतरी लिहिण्याची प्रामाणिक संधी त्यांनीच मला दिली. कारण  शलाका मॅडम आणि माझी  घाईघाईत भेट झाली होती आणि दिवाळी दरम्यान  त्यांच्या इन्स्टंट लाडू विषयी उत्सुकता निर्माण झाली आणि मी त्याविषयी लिहिलं. आणि नंतर मात्र या अभिप्रायानंतर आम्ही भेटलो आणि मला त्यांच्या इतर अनेक पदार्थांविषयी समजलं. या भेटीमुळे मला एक खात्री झाली की, माझ्या ज्या वाचकाने मला सांगितलं कि लाडूची कल्पना छान आहे पण घरी  कोणालाच आवडत नाही  यावरून अशा गोड अजिबात न आवडणाऱ्या अनेकांसाठी त्यांचे तिखट आणि चमचमीत असे खास इन्स्टंट  पदार्थ कसे आहेत याविषयी माहिती पोहोचवण्याचा विचार मनात आला.

तिखट आणि चमचमीत पदार्थांमध्ये जर आपल्याला झटपट नाश्ता तयार करायचा असेल तर आपण ढोकळा नक्कीच करू शकतो. 

ढोकळ्यासाठी जी विशेष पूर्वतयारी करावी लागते ती कधीतरी कंटाळवाणी होते. पण शरा फुड्स आपल्याला झटपट नाश्ता करायची स्मार्ट कल्पना या स्मार्ट युगात देत आहेत. त्यांच्या या पदार्थाचं  नाव आहे 'ढोकळा मिक्स'. 

त्यांनी या प्रॉडक्टवर ती कृती दिलेली आहे त्यापद्धतीने जर आपण हा ढोकळा केला तर सर्वात आधी तर तो अतिशय मऊ होतो. ढोकळा, मेदुवडा यांसारख्या पदार्थांमध्ये त्याच्या पूर्वतयारीतले घटकपदार्थ आणि त्याचं योग्य प्रमाण या गोष्टी अतिशय महत्त्वाच्या असतात. आणि जरा वेळखाऊ असल्यामुळे करायचा थोडा कंटाळा येतो. त्यामुळे ढोकळा आवडत असूनसुद्धा तो सर्रास

केला जात नाही. पण जर पूर्वतयारीच सोपी झाली तर मात्र आपण हा ढोकळा चवीचवीने खाऊ शकतो. 

या पदार्थाच्या पूर्व तयारीची सोय शरा फुड्स यांनी केलेली आहे. त्यामुळे आता चमचमीत चव आणि पटकन तयार होऊ शकणारा हा ढोकळा झटपट नाश्त्याचा एक उत्तम पर्याय होऊ शकतो.

खरं पाहता, नाश्ता म्हंटल कि आजकाल तो आपण  सगळेच जरा घाई घाईत करतो. मग एखाद्या रविवारी किंवा सुट्टीच्या दिवशी मात्र जरा शांतपणे मस्त चमचमीत ब्रेकफास्ट करायची इच्छा होते. सुट्टीच्या दिवशीचा फॅमिली ब्रेकफास्ट जसा इन्स्टंट ढोकळा ठरू शकतो त्याचप्रमाणे इन्स्टंट मुगभजी सुद्धा ठरू शकते. 

या भजीची गंमत अशी आहे की, याला सुद्धा व्यवस्थित पूर्वतयारी लागते शिवाय  एवढचं नाही तरं  काहीशा निरीक्षणावरून असं सुद्धा वाटत की, ही भजी सहज सगळीकडे उपलब्ध होतेच असंही नाही. काही ठराविक ठिकाणी आपल्याला  ही खाता येते. आणि ती ठराविक ठिकाणं काहीवेळा अशी असतात कि ती शांतपणे आरामात बसून वगैरे खाणं अजिबात होत नाही. काहीवेळा मूगभजी गाडीवर मिळते त्यामुळे तो पर्याय सुद्धा अनेकांच्या बाबतीत मागे जातो.

वास्तविक, मूग  हे  आरोग्यास अतिशय चांगले पण नेमका हाच पदार्थ खाण्याचा योग कमी येतो. आपल्या सगळ्यांचा भजी खाण्याचा योग मात्र अनेकवेळा आला आहे. पण नेहमी बेसनच त्यात आपण वापरतो. शेवटी चमचमीत होत असली तरी बेसनामुळे शरीराला त्रास होऊ शकतो. इथेच मूगभजी वरचढ ठरते. कारण ती पचायला सोपी असते. 

काय मग विचार बदलला का? आजच मुगभजी करूया असा विचार पटकन वाचता वाचता मनात येऊन गेला का? अहो, तुमच्याच काय..लिहिता लिहिता माझ्याही मनात आला. गरम गरम मुगडाळ भजी खाण्यात एक वेगळीच मजा आहे. आणि जर आपल्याला ही कमी वेळात घराच्या घरी करता आली तर अजूनच धमाल.....मग  मुगडाळ भिजवायची चिंता नाही आणि काही नाही. सोपी सुटसुटीत भजी आपण कधीही खाऊ शकतो.

आणि विशेष म्हणजे आज इन्स्टंट फूड मध्ये काम करणाऱ्या शरा फुड्स या कंपनीने त्याचं प्रत्येक प्रॉडक्ट तयार करताना त्यात पोषण मुल्यांचा विचार केला आहे. शिवाय हे पदार्थ असे आहेत की कधी आपण बाहेर गेलो, कधी ट्रेकिंगला गेलो तरी पटकन तयार करून खाऊ शकतो.

शरा फुड्सच्या अजून एका yummy पदार्थाविषयी लिहिणार आहे...पण पुढच्या ब्लॉगमध्ये....

संपर्क: 

शलाका राऊत ( डायरेक्टर ऑफ शरा फुड्स)
Mb- 9820904315/ 8080633607
consumercare@sharafoods.com
www.sharafoods.com
fb page- @sharafoods

मातीचा फ्रिज आणि मातीचा कुकर- मिट्टीकुल कंपनी

नमस्कार वाचक मंडळी,

तुम्हाला आठवत असेल काही महिन्यांपूर्वी मिट्टीकुल या कंपनीची माहिती देणारा ब्लॉग आपण वाचला होतात. आजच्या  ब्लॉगमधून  या कंपनीच्या 
उत्पादनांबद्दल आपण जाणून घेणार आहोत. 

मिट्टीकुल कंपनीकडून तयार होणारी मातीची भांडी खरतरं अनेक आहेत. त्यांच्याकडे पन्नास पेक्षा अधिक वेगवेगळ्या प्रकारच्या मातीच्या वस्तू तयार होतात. गुजरात मधील मनसुखभाई प्रजापती यांनी १९८८ मध्ये मातीचा तवा तयार करणारी फॅक्टरी उभी केली. पण २६ जानेवारी २००० साली गुजरात मध्ये झालेल्या मोठ्या भूकंपामुळे त्या सगळ्या साठ्याचं नुकसान झालं. पण तरी न डगमगता पुन्हा एकदा नवी सुरुवात झाली आणि २००४ साली त्याच तुटलेल्या मातीच्या साठ्यातून मातीचा फ्रिज जन्माला आला. ज्याची आज जगभरात पसंती आहे.  ज्या वस्तूने स्वतःची खास ओळख  निर्माण केली आहे आणि ज्याच्या निर्माण होण्यातच एक वेगळेपणा आहे त्याविषयी आज सुरुवातीला लिहिणार आहे. 

 मातीचा फ्रिज

जर आपण आपल्या घरी मातीचा फ्रिज आणणार असू तर आपल्याला जागेची सोय करता यावी व त्याचा अंदाज यावा म्हणून ही संपूर्ण माहिती या ब्लॉग मधून:  

मातीच्या फ्रिजची उंची- २७ इंच आणि रुंदी- १५ इंच इतकी असून ५० लि.इतकी या फ्रिजची क्षमता आहे. भाज्या आणि फळे या फ्रिजमध्ये ५ ते ६ दिवसांपर्यंत व्यवस्थित राहतात. आणि शिजवलेलं अन्न २४ तासांपर्यंत टिकू शकतं. 

आता आपल्याला प्रश्न पडला असेल की, हा फ्रिज नक्की काम कसं करतो? रेफ्रिजरेटर बाष्पीभवनाच्या तत्त्वावर काम करतं. त्याच्या शिरोभागी आणि  तळाशी  एक टाकी आहे  आणि  तिची धारणक्षमता अंदाजे 20लि. पाण्याइतकी
आहे. खाद्यपदार्थ व्यवस्थित राहावेत यासाठी एक स्वतंत्र कप्पा सुद्धा त्यात आहे. उन्हाळ्यात थंडगार पाण्यासाठी जशी मातीची मडकी वापरतात  त्याचप्रमाणे  फ्रिजमधील या पाण्याच्या टाक्या फ्रिजच्या आतील सर्व बाजूंना थंड ठेवतात. फ्रिजच्या शिरोभागी टाकी आहे, त्यामुळे  टाकीतील पाणी सर्व बाजूंना ओघळतं आणि तेव्हा तिथली उष्णता खेचून घेत असल्याने फ्रिजचा अंतर्गत(आतील) भाग   थंड राहतो. त्यामुळे जास्तीत-जास्त दिवस अन्न टिकून राहण्याची शक्यता वाढते. यात पांढऱ्या रंगाचा फ्रिज उपलब्ध होऊ शकतो. 

मातीच्या फ्रिजची किंमत  रु. 5000/- ते रु.6000/-

मातीचा कुकर 

ही वस्तू तर आपल्या स्वयंपाकघराचा 

महत्त्वाचा घटक आहे. मिट्टीकुलच्या कुकरची उंची- १२.५ इंच, रुंदी-११ इंच इतकी आहे.  

हा कुकर एका मातीच्या प्रकारापासून बनविलेला आहे. त्यात अन्न शिजविताना निर्माण होणारा अतिरिक्त वायुदाब बाहेर सोडण्यासाठी त्यावर शिटी बसविली आहे. कुकरच्या मागे ते धरण्यासाठी एक दांडी असून त्याचं झाकण व्यवस्थित बंद होण्यासाठी त्याला  दोन पकड आणि रबर रींग आहेत.  लाल रंगात आपल्याला हा पाहायला मिळतो. याची क्षमता- 3 लि. इतकी आहे. 

किंमत दर- रु.900/- ते रु.1000/-

सर्वात महत्त्वाचे म्हणजे मातीची भांडी आपण आपल्या रोजच्या दिनक्रमात वापरू लागलो तर आपल्याकडून पर्यावरणाला कमालीचा हातभार लागणार आहे. पर्यावरणदृष्ट्या असणारे  महत्त्व लक्षात घेऊन मिट्टीकुल या कंपनीने त्यांची उत्पादनं इकोफ्रेंडली बनवली आहेत. 

वाचकहो, लिहिता लिहिता पटकन मनात आलं...कदाचित थोडं भावनिक वाटेल पण भावना मात्र खरी आहे. तुम्ही पण विचार करून पाहा, निसर्ग आपल्याकडे काहीही न मागता आपल्याला खूप काही देत असतो. याकडे आपलं लक्ष कधीच जात नाही. कारण आज आपण सगळेच करियर, पैसा, स्थैर्य याचं विचारात कायम जगत असतो. यात चूक काही नाही. पण आपण जिथे राहतो त्या समाजासाठी आणि निरपेक्ष अशा निसर्गासाठी आपण काहीतरी केलचं पाहिजे. कारण ती आपली नैतिक जबाबदारी आहे. आज धावपळीमुळे आपण फार काहीच करू शकत नसलो तरी मातीची भांडी वापरून किंवा कोणाला भेट म्हणून देऊन आपण एकप्रकारे पर्यवरणासाठीच काम करत असल्याचा भास तुम्हाला होईल. ते एक वेगळं समाधान आपल्या मनात राहील...म्हणतात ना, काहीच न करण्यापेक्षा काहीतरी केलेलं नक्कीच चांगलं.  

  

आज रवी प्रजापती आणि राज प्रजापती मिट्टीकुल कंपनीचा सर्व कारभार पाहतात. त्यांच्या एकूण पद्धतींविषयी बोलताना राज प्रजापती म्हणाले की,''आम्ही जी माती वापरतो ती नैसर्गिक माती असते, ती refine केली जाते, कोणत्याही प्रकारे केमिकल राहणार नाही याची विशेष काळजी घेतली जाते. त्याचं व्यवस्थित टेस्टिंग आम्ही नेहमी करतो आणि मातीची सगळी भांडी कशी सुंदर दिसतील  तसेच त्याचा वापर  सोपा कसा होईल यासाठी आम्ही प्रयत्नशील असतो.”

पुढच्या ब्लॉग मध्ये आपण नॉन स्टिक तवा, माठ, पाण्याची बाटली,साधा तवा या उत्पादानंविषयी अधिक जाणून घेऊ.  

Contact :

info@mitticool.com

Mobile Android App- Mitticool

http:mitticool.com