परदेशी शिक्षण भाग ३

आज परदेशी शिक्षण भाग ३ सर्व वाचकांसाठी घेऊन येत आहे.

आजकाल आपण अनेक ठिकाणी सतत ऐकत असतो की,'माझा मुलगा बाहेर जाणार आहे शिकायला...किंवा माझी मुलगी १२वी नंतरच US ला गेली आहे, आता तिथेच चांगली नोकरी सुद्धा मिळाली आहे.' वगेरे वगेरे....म्हणजे थोडक्यात कायं तर बाहेर शिकायला जाणाऱ्या विद्यार्थ्यांचा कल सध्याच्या काळात आपल्याला वाढताना दिसतोय आणि पालकांनी सुद्धा मानसिक आणि पर्यायाने आर्थिक तयारी करून ठेवलेली असते.
पण ते सगळं असलं तरीसुद्धा सातासमुद्रापार अर्धवट माहिती  ने जाणं  जरा धोकादायक  नाही का?
कारण त्यात आपण आपला वेळ, पैसा, करियर याची एक प्रकारे गुंतवणूक करत असतो. ही गुंतवणूक योग्य पद्धतीने होणं मला तरी खूप गरजेचं वाटतं. अर्थात, तुम्ही  सुद्धा माझ्या मताशी सहमत असालचं.

( तुमच्या प्रतिक्रिया/ अनुभव  ब्लॉगच्या शेवटी Comment Box मध्ये टाकू शकता)

परदेशी शिक्षणाकरता जाण्याचा विचार करणाऱ्या विद्यार्थी -पालक यांच्यासाठी 'एन्ड टू एन्ड' सोल्युशन्स देणाऱ्या गेली बारा-तेरा वर्ष या क्षेत्रात अतिशय प्रामाणिकपणे काम  करणाऱ्या दोन बहिणींशी माझी ओळख झाली. उत्तम उद्योजिका म्हणून या क्षेत्रात त्या कार्यरत आहेत. रुपाली ठाकूर आणि वृष बर्वे. IE मार्फत (Interedwise Education)  त्या मुलांना परदेशी शिक्षणासंदर्भात मार्गदर्शन करतात.

मागच्या भागात  व्हिसा, विद्यार्थ्यांसोबत पालकांना मिळणारे मार्गदर्शन, एकूणच  IE (Interedwise Education)ची झालेली  सुरुवात, आणि देश व कोर्स  ठरवताना विद्यार्थी मित्रांनी घ्यायची काळजी याविषयी माहिती देणारा ब्लॉग होता. परदेशी शिक्षण भाग २ मध्ये रुपाली ठाकूर यांनी मार्गदर्शन केलं होतं.त्याची लिंक सुद्धा सोबत जोडत आहे.
   
http://gayatrikashelkar.blogspot.in/2016/12/blog-post_27.html?view=classic

या भागात विद्यार्थी -पालक यांना  मार्गदर्शन करणार आहेत रुपाली ठाकूर मॅडम आणि वृष बर्वे मॅडम. या आधी वृष बर्वे यांनी  फोन मुलाखतीतून विद्यार्थ्यांना मार्गदर्शन केलं होत.

विशेष टीप : (तुमच्यापर्यंत ती मुलाखत पोहोचली नसेल तर तुमचा इमेल आयडी comment box मध्ये तुम्ही टाकू शकता. अगदी काहीश्या मिनिटांत उपयुक्त माहिती तुम्हाला मिळेल असा तो फोन इंटरव्हू आहे. आम्ही तुमच्यापर्यंत जरूर पोहोचवू. )

परदेशी शिक्षण भाग ३ 

आर.जे गायत्री: परदेशी शिक्षणाकरता जाण्याचा निर्णय जेव्हा निश्चित होतो त्यानंतर सगळ्या प्रोसिजर्सना (Procedures) किती वेळ लागतो?

वृष बर्वे:   साधारण सहा -आठ महिने लागतात.कारण हा प्रवास पूर्णपणे 'डेस्टीनेशन टू डेस्टीनेशन' असतो. त्यासाठी सगळ्यात पहिले मी विद्यार्थ्यांना सांगीन  कि, त्यांनी त्यांची प्रोफाईल तयार ठेवावी. अगदी सुरुवातीपासूनच आम्ही मुलाचं काउन्सिलिंग करतो. त्याचं करियर मधलं मुख्य ध्येय, त्यांना नेमकं काय करायचं आहे?, त्यांना बाहेर जायचं आहे पण नेमकं कुठे शिकायला जायचं आहे?
उदा. द्यायचं झालं तर समजा एखाद्या विद्यार्थ्याला जर्मनीला ऑटोमोबाईल क्षेत्रातल्या  शिक्षणासाठी जायचं आहे. तर त्यासाठी लागणारी तयारी याविषयी आम्ही मार्गदर्शन करतो. शिवाय व्हिजन काय आहे? डेस्टीनेशन कोणतं निश्चित केलं आहे? शिक्षण सुद्धा ठरवलेल्या अनुषंगाने असायला हवं, अगदी दहावी पासूनच्या सगळ्या मार्कशीट्सची आवश्यकता असते.अशा सगळ्या गोष्टींविषयी आम्ही मार्गदर्शन करतो. जीआरई, टोफेल, जीमॅट या परीक्षांचे आम्ही क्लासेस सुद्धा घेतो. तीन महिन्यात मुलांची संपूर्ण तयारी होईल हे आम्ही बघतो.
 
आर.जे गायत्री: तुम्ही Mock Interview ची तयारी कशी करून घेता?

रुपाली ठाकूर : विद्यार्थ्यांच्या व्हिसा प्रोसेसिंगच्या वेळी याची तयारी करणं गरजेचं असतं. कारण तेव्हा मुलांच्या हातात कॉलेज/ युनिव्हर्सिटीचं ऑफर लेटर सुद्धा आलेलं असतं. आता परीक्षा असते त्यांच्या व्हिसाची. पण त्याची सुद्धा आम्ही तयारी करून घेतो. Interview मध्ये काय प्रश्न विचारतील याची सर्व कल्पना आम्ही मुलांना देतो, त्यानुसार त्यांच्या  उत्तरांची  तयारी होते. एवढचं नाही तर ते कसं बोलतात आणि स्वतःला  कशापद्धतीने सादर करतात हे पाहून आम्ही त्यांना अजून सुधारणा करण्यासाठी मदत करतो.  त्यांचा आत्मविश्वास, शब्दोच्चार, मॅनरीजम, अॅक्सेंट एकूणच त्याचं इमेज बिल्डींग याविषयी संपूर्ण माहिती, मार्गदर्शन देऊन त्याची  तयारी सुद्धा आम्ही करून घेतो.

आर.जे गायत्री: शैक्षणिक कर्जाच्या दृष्टीने IE ची काय मदत होते?

रुपाली ठाकूर : आम्ही अनेक बँक आणि वित्तीय संस्था (financial institutions) यांच्यासोबत  अफीलिएटेड आहोत. फिनान्स कसा अरेंज करायचा आहे? काही मोर्गेज ( mortgage) करावे लागेल का ? काय आणि कशी आर्थिक तयारी आणि क्षमता आहे? किंवा दुसरे कोणते मार्ग आहेत? याविषयी आमच्याकडून त्यांना शैक्षणिक कर्जाच्या दृष्टीने मार्गदर्शन होत असतं. आणि कोणत्याही प्रकारे पालकांवर पैशाचं प्रेशर येणार नाही याची अधिक काळजी घेतली जाते. आजपर्यंत ६०० पेक्षा अधिक विद्यार्थ्यांना आम्ही परदेशी शिक्षणासाठी पाठवलं आहे.


आर.जे गायत्री: Pre- Departure Service, Travel and Forex, Post Landing Services या तुमच्या सर्व्हिसेस  बद्दल आम्हाला सांगा.

 वृष बर्वे: Forex च्या बाबतीत सांगायचं झालं तर, फाॅरेन एक्ससेंज साठी आमची मदत होते. काही  एजन्स्सीज  सोबत अफिलीएटेड आहोत. त्यामुळे किती पैसे प्रवासात लागणार आहेत? ते ट्रान्स्फर कसे करायचे? फाॅरेन बँकेत अकाउंट कसं ओपन करायचं? या सगळ्याचा write up आमच्याकडून विद्यार्थ्यांना मिळत असतो.

 शिवाय  Pre- Departure Service अंतर्गत आम्ही त्यांना अगदी छोट्या गोष्टींपासून मार्गदर्शन करतो. एअरलाईन कोणती? flight कोणती आहे? Connecting Flight कोणती आहे? किती बॅगेज नेऊ शकतो आहोत वगेरे सगळचं मार्गदर्शन होत असतं. कधी कधी Discounted Rate मध्ये Flight तिकिट्स उपलब्ध असतात तर त्याचाही फायदा विद्यार्थ्यांच्या प्रवासात  होण्यासाठी आम्ही प्रयत्नशील असतो.

हा झाला प्रवासाचा विषय आणि त्यालागून सर्व प्री- डीपार्चर सर्व्हिसेस सुद्धा म्हणजे  विद्यार्थी जेव्हा परदेशी पोहोचतात म्हणजेच तिकडे Land होतात तेव्हा खर सांगायचं तर एका नव्या देशात ते अगदीच एकटे असतात तेव्हा आम्ही त्यांच्या मानसिकतेचा विचार करून काही सोयी पुरवतो...

जसं की, Pick Up आणि Drop.

म्हणजे अगदी इथून निघतानाचं तिकडची Pick Up आणि Drop ची सोय आम्ही करून ठेवू शकतो. म्हणजे ते त्यांच्या ठरवलेल्या निश्चित स्थळी शांतपणे आणि सुखरूप पोहोचतात. कारण काही विद्यार्थी कॉलेज किंवा विद्यापीठाच्या हॉस्टेलवर राहण्याचा निर्णय घेतात तर काही जण अपार्टमेंट मध्ये राहण्याचं निश्चित करतात. आमची मदत दोन्हीसाठी असते.

जर त्यांना कॉलेज/विद्यापीठाच्या हॉस्टेलवर राहायचं असेल तर ते शक्य असतं कारण आम्ही काही  एजन्स्सीज सोबत अफिलीएटेड  आहेत. ज्यामुळे त्यांची सोय अतिशय उत्तमरीत्या होते.  तर काही विद्यार्थी अपार्टमेंट मध्ये राहाणं पसंत करतात तर यात आम्ही त्यांना मार्गदर्शन आणि माहिती देतो...जसं की, कॉलेज पासून अंतर किती आहे? नेमकी लोकेशन काय आहे वगेरे. पण आमचा प्रयत्न हाच असतो कि, विद्यार्थी 'लोकेशन हब' भागात राहतील जिथून त्यांना सगळचं जवळ पडेल. आणि कमीत कमी खर्चात त्यांना जास्तीत जास्त चांगली सर्व्हिस कशी मिळेल हाच मुद्दा ठेवून आम्ही मदत करतो.

आर.जे गायत्री: धन्यवाद !!

Contact no:  022-65150555 –   MOB: 98 20 38 31 18/ 93 22 15 05 47 
ADD: C-105, 1st Floor, Sai Classic Bldg; 90 Feet Road,
Mulund – 400 081  
Email : mulund@ieplcareer.com 
URL: www.ieplcareer

तुम्हाला काही अधिक प्रश्न असतील तर तुम्ही आमच्यापर्यंत जरूर पोहचू शकता त्यासाठी आमचा इमेल आयडी आहे...digitalmindspace@gmail.com .