मेकअप आर्टिस्ट: रिया पांचाळ

मेकअप म्हटलं की, आपल्यासमोर एक चित्र उभं राहातं. त्यात रंगांचा भडकपणा म्हणा किंवा आपण मेकअप केल्यावर अगदी वेगळेच दिसू अशी काहीशी मनात आलेली भावना... असे काहीसे विचार  'मेकअप' संकल्पनेशी जोडलेले आहेत असं कधी कधी वाटत. पण असे विचार आपल्या मनातून क्षणातच निघून जातात जेव्हा आपण एका योग्य आणि जाणकार अनुभवी मेकअप आर्टिस्टला भेटतो. तेव्हा खऱ्या अर्थाने 'मेकअप' या शब्दाशी असलेल्या अनेक व्याख्या नव्याने कळतात आणि चूकीच्या संकल्पना लगेचच पुसल्याही जातात. 

खरं पाहायला गेलो तर, मेकअपसाठी लागणारं संपूर्ण साहित्य हे  प्रत्येक मेकअप आर्टिस्टसाठी सारखंच असतं. 

पण खरी कमाल असते ती त्या आर्टिस्टच्या हातात. मेकअप कसा करायचा, कोणता करायचा  यापेक्षा त्या व्यक्तीला कसा सूट होईल हा विचार योग्यपद्धतीने करणाऱ्या मेकअप आर्टिस्टच्या हाती खरी कमाल असते असं मला वाटतं. अशाच अनेक मेकअपच्या संकल्पनांविषयी गप्पा मारताना मला मेकअप आर्टिस्ट मधल्या खऱ्या जाणकार कलाकाराला भेटता आलं.

कलेवर मनापासून प्रेम करणारी, सुंदरतेने नटवण्याच्या प्रयत्नात त्यातलं  नैसर्गिक सौंदर्य विशेषतः जपणारी, नवनवीन प्रयोग करणारी, आणि अभ्यासपूर्ण मेकअप करणारी आर्टिस्ट  म्हणजे रिया पांचाळ.

भार्गवी चिरमुले 

मेकअप करताना तिचा विशेष भर असतो तो त्या व्यक्तीचं नैसर्गिक सौंदर्य कायम ठेवून मेकअप करण्यावर. यासाठी ती  त्या व्यक्तीच्या चेहऱ्याचा अभ्यास करते. कारण  प्रत्येकाची त्वचा वेगळी त्यामुळे स्कीन टोनचा विचार करून ती मेकअप करते. मेकअप करताना वेगवेगळे रंग वापरले जातात पण त्याच्या वेगवेगळ्या शेड्स म्हणजे  लाईट,डार्क या सर्व बारीकसारीक  गोष्टी सांभाळून कोणती शेड त्या व्यक्तीला परफेक्ट मॅच होईल यावर ती नेहमीच लक्ष देते.

मेकअप करायची काय गरज?  असे विचार जेव्हा अनेकांच्या मनात येतात त्या अनुषंगाने मी तिला प्रश्न विचारला तेव्हा मेकअप का करायचा याविषयी तिने सांगितलं की, 'कोणत्याही लग्न समारंभात आपण जर मेकअप केला असेल तर आपली एक वेगळी छाप त्याठिकाणी पडते. आपल्यातले जे काही वीक मुद्दे आपल्याला वाटत असतील तर ते लक्षात सुद्धा येत नाहीत. आणि एक वेगळा लुक मिळाल्यामुळे आपण उठून सुद्धा दिसतो'. असं ती म्हणते.

एक अनुभवी मेकअप आर्टिस्टच काम जेव्हा पाहायला मिळत त्यावेळी लक्षात येत की, मेकअप केला आहे हे लक्षात आणून न देता जेव्हा तो मेकअप आर्टिस्ट मेकअप करतो तेव्हा ते त्याचं खर स्कील असतं. 

मेकअपविषयी तुम्ही सुद्धा ऐकलं असेल की, डोळ्यांचा मेकअप हा खरतरं सगळ्यात जास्त महत्त्वाचा असतो. त्यात अगदी आयशडो वापरण्याची पद्धत सुद्धा फार महत्त्वाची मानली जाते.

रिया मेकअप करताना डोळ्यांच्या मेकअपकडे सुद्धा अधिक लक्ष देते. नेहमीच्या मेकअप करण्यापलीकडे ती नेहमी  नवनवीन प्रयोग सुद्धा करत आली आहे. एकदा तर मेकअप करताना  स्कीन खूप रफ असल्याचं तिच्या लक्षात आलं. पण कौशल्याने तिने त्या स्कीनला स्मूथ  करण्यासाठी  एअर ब्रशचा वापर केला.

यासोबत HD मेकअप करणे ही सुद्धा तिची खासियत आहे. आणि महत्त्वाचं सांगायचं म्हणजे  एक प्रोफेशनल मेकअप आर्टिस्ट असल्यामुळे उत्तमोत्तम उत्पादनं ( products) वापरण्यावर तिचा अधिक भर असतो. कारण मेकअप करून घेणारी प्रत्येक व्यक्ती उत्पादनांविषयी नेहमीच जागरूक असते. 

रियाच्या काम करण्याच्या पद्धतीमधला वेगळेपणा आपण पहिला पण हा वेगळेपणा टिकवताना मात्र खूप गोष्टी कराव्या लागतात. फक्त कला आणि कल्पना असून त्या पुरेश्या पडू शकत नाहीत. त्यामुळे या कला आणि कल्पनांसोबत बाजी जिंकावी लागते ती खऱ्या मैदानावर. अर्थातच, लग्न कार्यात मेकअप आर्टिस्टला खूप तत्पर असाव लागतं.  या लग्न समारंभातल्या कार्यक्रमात सगळेचजण शांत असतात पण आपण जर नीट निरीक्षण केलं तर आपल्या लक्षात येईल की,फक्त मेकअप आर्टिस्ट फास्ट काम करत असतो. त्यांना ती सगळी वेळेची  गणितं सांभाळायची असतात.
याच  गणितांविषयी बोलताना रिया म्हणाली की, 'आम्हाला मेकअप पटकन करून द्यावा लागतोच. आम्हाला तिथे  घाई असते पण तरी खूप शांतपणे आणि संयम ठेवून आम्ही काम करतो. कारण मेकअप घाई करून केला तर तो नीट होऊ शकत नाही. त्यामुळे घाई असताना सुद्धा शांतपणे काम करणं आमच्यासाठी मोठा टास्क असतो. ती वेळेची  तत्परता आणि सगळ्यात महत्त्वाचं  संपूर्ण व्यवस्थापन योग्यरीतीने करण्यावर आम्ही भर देतो.'

रिया संपूर्ण मेकअप ४५ मिनिटांमध्ये पूर्ण करते. तिने आजपर्यंत महाराष्ट्रीयन सोबतच  ख्रिस्चन ब्रायडल...साउथ इंडियन ब्रायडल मेकअप सुद्धा केला आहे. शिवाय  आजपर्यंत  प्रोडकट माॅडेलिंग मध्ये सुद्धा  तिने काम केलेलं आहे.आणि यापुढे तिची विशेष आवड म्हणजे ब्रायडलमध्ये सुद्धा अधिक काम करायचा तिचा मानस आहे.
तिने आजपर्यंत नियती राजवाडे, भार्गवी चिरमुले,तेजा देवकर, शर्वाणी  पिल्लई, नम्रता आवटे अशा लोकप्रिय अभिनेत्रींचा मेकअप केलेला आहे...

भार्गवी चिरमुले 

तेजा देवकर 

रियाच्या मेहेंदीविषयी थोडक्यात ,

       मेकअप म्हटला की, मेहेंदी तर आलीच. रियाची मेहेंदी म्हणजे एक वेगळीच खासियत .पारंपारिक मेहेंदी तर सगळेच काढतात पण रियाने मात्र जरा वेगळा विचार केला. हातावर आपली मराठी संस्कृती तिने रंगवली. त्यात अगदी नऊवारी साडी नेसलेली बाई, जात्यावर दळण दळणारी स्त्री यासोबत गोपाळकाला, पाडवा असे सण-उत्सव , विटी दांडू सारखे खेळ, परकर -पोलक घातलेल्या लहान मुली, लावणी सारखी एक अनोखी परंपरा,झांज वाजवणारं पथक रियाने मेहेंदीच्या रुपात हातावर रेखाटलं.

त्या मेहेंदीच्या  रंगांमधून एक वेगळीच कलाकृती तिने स्वतःच्या कल्पकतेतून निर्माण केली. थोडक्यात, रियाने नेहमी कस्टमाईज मेहेंदीचा प्रयत्न केला आहे आणि तो यशस्वी सुद्धा केला आहे.

आजपर्यंत तिने अनेक कलाकारांना मेहेंदी काढलेली आहे. उदा. निर्मिती सावंत, नियती राजवाडे( मीरा मोडक), मधुगंधा कुलकर्णी, प्राजक्ता माळी, सोनाली खरे, अदिती सारंगधर, भार्गवी चिरमुले, नम्रता आवटे, तेजा देवकर यांसारख्या सिनेसृष्टीतल्या अनेक कलाकरांच्या हातांवर रियाने  तिच्या या अनोख्या कलेने मेहेंदी काढली आहे. शिवाय तिने थ्री डी डीझाइन्सवर सुद्धा अनेक प्रयोग केलेले आहेत.

सोनाली खरे 

अदिती सारंगधर

प्राजक्ता माळी

या क्षेत्रात यशस्वीपणे काम करताना ती तिचे  या क्षेत्रातले  गुरु म्हणजे पंढरीदादा जुकर व मुकेश पाटील  यांचे सुद्धा मनापासून आभार मानते.

तिच्या पुढच्या वाटचालीसाठी 'माझी लेखणी' या ब्लॉगतर्फे खूप खूप शुभेच्छा!! 

रिया पांचाळ

(या ब्लॉगमध्ये वापरलेले फोटो परवानगी घेऊन प्रकाशित करत आहोत.)

Contact Details - 
9167957911 / 9769719916
Riya Panchal